Det kunne vore begge deler laurdag. Bilparken var av gammalt aust-tysk merke, musikken tysk ompa og på grillen låg ekte tysk bratwürst.

Både tyskarane og innfødde halsnøybuar storkoste seg i det fine sommarvêret, og bilprarten gjekk lett på norsk, tysk og litt engelsk innimellom.

– Ein kjempeflott bil, og det var mykje betre plass inni enn det eg hadde trudd, skryt Irene Koløy Sjo.

Ho har teke plass bak rattet i ein Trabant 1980-modell.

Bilen er det ekteparet Carola og Mike Schatz frå Austerrike som eig.

Carola fortel stolt at trabanten gjorde unna den 2000 kilometer lange turen utan noko problem.

Ho er oppi under over kor vakkert det er i Kvinnherad. Einaste problemet er dei smale vegane og fartsgrensa på 80 kilometer i timen.

Trabant-treffet på Halsnøy held fram i helga. Laurdag var det kåring av finaste bil, rebusløp m.m. Måndag snur trabantane fronten mot sør og startar turen heimover.