Korpsseminar i Rosendal
www.kvinnheringen.no: I helga (laurdag og søndag) er rundt 45 musikantar frå skulekorpsa i Uskedalen og Rosendal samla til seminar med base i Rosendal samfunnshus.
To helgeseminar og mykje øving elles er middelet – målet er ein heidundrande konsert søndag 22. februar. Hovudrepertoaret blir musikk av Youngblood Brass Band – eit amerikansk brassband som miksar tradisjonell brassbandstil fra New Orleans med jazz, improvisasjon, punk, funk, rap og hip-hop.
Til å læra seg denne friske og utadvendte stilen, har korpsa sikra seg ein av dei få musikarane i landet som jobbar med slik brassbandmusikk; tubaisten, arrangøren og dirigenten, Pål Magne Austnes.
– Det er utruleg gøy – eg storkosar meg, sa Marius Lamberg Torjusen (17) då Kvinnheringen var innom korpsmusikantane laurdag.
Meir i Kvinnheringen si papirutgåve måndag.
|
|
Utskriften er kun til privat bruk og kan ikke benyttes på annen måte.
Kopiering eller spredning av innholdet krever avtale med rettighetshaver eller Kopinor.
