www.kvinnheringen.no. Fredag kveld var heile bygda invitert til musikalen Den store prøven, framført av elevane i 7. klasse. Folk ante nok at her var noko stort i vente; i god tid før opninga var det kø framfor inngangen. Og dei siste kom til fullt hus.

Og la det vera sagt med ein gong: Maken til skuleframsyning har me aldri sett!

Det er knapt til å tru kva instruktør Karina Opdal har greidd å få ut av elevane. Klassen framstod som ein gjeng glade og frigjorde songarar, godt sminka og i gode kostymar, og som i song og rim gav av seg sjølv og formidla glede og stolthet over Sunde-bygda si historie. Det var nesten makelaust!

Framsyninga er sett saman av sju bitar med tema frå Sunde-soga. Store delar av stoffet er henta frå Jostein Røstbø si bok Industristad bygd på skip og sardiner

Ein rørt og stolt rektor Einar Opdal delte ut blomar til alle som var med på framsyninga.

– Eit slikt løft gjer noko med oss, mykje meir enn den daglege timeplanen kan få til, sa han.

Og etter på var det kaker, kaffi og brus til alle.

Les meir i måndagsavisa.