Thorhallsdottir i Galleri G Guddal
www.kvinnheringen.no: Laurdag 26. september opnar Bjørg Thorhallsdottir ny grafikkutstilling i Galleri G Guddal i Rosendal.
Thorhallsdottir (fødd 1974) er tilbake i Rosendal. Dei som opplevde ho i galleriet for to år sidan ser heilt sikkert fram til eit nytt møte! Denne gongen kjem ho med 30–40 bilete som ikkje har vore viste i galleriet før.
Thorhallsdottir er fødd på Island men oppvaksen i Bærum og i Søraust- Asia. Ho har bak seg 10 års kunstutdanning m.a. frå Barcelona og Toulouse, og har gått i lære i grafiske teknikkar hos Ignacio Aguire (Barcelona), som tidlegare har jobba med kunstnarar som Picasso, Miro og Dali.
Kring 1. oktober kjem ho med to nye bøker, «Vennskap» og «Pappaen min bor i himmelen», der ho sjølv er både illustratør og forfattar. Begge bøkene blir presenterte på utstillingsopninga.
|
|
Utskriften er kun til privat bruk og kan ikke benyttes på annen måte.
Kopiering eller spredning av innholdet krever avtale med rettighetshaver eller Kopinor.
