Det er ikkje det at Erika Sòl frå Valen ikkje likar korpsmusikk, men sidan ho har to søsken som spelar i skulekorpset, kan det vera greitt å passa på øyro. Erika Sòl var nemleg med korpset også på føremiddagen. Då var det seminar – blant anna for å førebu konserten i storsenteret og ikkje minst konserten i Sunde skule i morgon ettermiddag. Der skal også gitaristane Andreas S. Bjørsvik og Eirik M. Brakestad spela.

Husnes Skulekorps fylte storsenteret med frisk korpsmusikk. På repertoaret stod mellom anna «Beat it» og «Rock around the clock», og publikum såg ut til å setja pris det dei unge og flinke musikantane fekk til.