Dei som møtte opp til juleprogrammet til Sunnhordland folkehøgskule fekk seg ei triveleg stund med mykje variasjon i innslaga. Ettermiddagen starta med ein forkorta versjon av Charles Dickens stykke «Ei juleforteljing» som dei framførte på Husnes i samband med oppsetjinga Vinterland førre helg. Deretter vart publikum invitert med i løa der musikklinjeelevane spelte fleire julesongar.

Høgdepunktet ved kvelden var nok kanskje danselinja si framsyning. Det var ikkje tvil om at dei var inspirerande, og fleire av borna i salen nytta høve i pausen til å imitera dansarane.

Ein svært hyggjeleg og uformell framsyning av dei kreative elevane ved Sunnhordland folkehøgskule. Etter underhaldningsinnslaga var ferdig var det klart for kveldsmat og loddsal. Alt i alt var det ein ettermiddag med mykje julglede og kos.