– Dette vert eit veldig stort arrangement. I løpet av denne veka vil det bli rundt 30 ulike arrangement rundt om i absolutt heile kommunen, seier fylkesmusikar Frank Rolland.

Onsdag var han saman med Einar Mjølsnes og Reidun Horvei på rådhuset i Rosendal, for å starta planlegginga av storarrangementet.

Mange vil bli engasjert i dette arrangementet, både skular, musikkskular, lokale korps, songkor og elles det meste av kultur- og musikklivet i Kvinnherad.

Det vil mellom anna bli arrangert folkemusikk-pub, skulekonsertar og mykje anna,

– Det vert ei stormønstring av folkemusikk i Kvinnherad denne veka. Her vil vi mellom anna få fram lokalt folkemusikkstoff som det finnest mykje av i Kvinnherad, i tillegg til anna stoff, seier Rolland.

Folkemusikkveka vert arrangert kvart tredje år i Hordaland.

– Kvar einaste krinkelkrok av kommunen skal bli involvert i dette arrangementet, lovar Rolland.