Arrangørane byr på eit omfattande program og byr på ei rad ting for store og små å vera med på. Blant dei som kjem er kjendisen Elias frå Redningsselskapet, ein liten båt som dei minste kan prøva. Opsangervågen veteranbåtlag viser fram mykje fint, kystlaget har utstilling og på lakseslakteriet Vikingfjord er det open dag.

Kystlaget inviterer publikum til å vera med på kapproing og å ta roknappen, Sunde skule byr på kanopadling og gamle båtmotorar står på utstilling. Marit Elisebet Totland viser maleri med kystmotiv.

Forfattar Lars Amund Vaage held ei innleiing når kystdagane tek til om laurdagen. Husnes skulekorps er med og Marit Elisebet Totland skal snakka om oppvekst prega av kystkultur. Atle Hansen kjem med kabareten Ei kvartmil frå land og Ingrid Grønstøl inviterer til forteljarstund.

Artisten Erlend Bratland underheld om ettermiddagen. Om kvelden er det arrangement i båthuset med Bjørn Jensen frå Vinskvetten før Irish stew spelar til dans.