Real Audio og DJ Ronnye Bøe har vore på Husnes mange gonger før, då med diskotek i regi av To Søstre. Tidlegare dagleg leiar på nedlagde To Søstre, Cathrine Lemicka Brix, er ein av dei som no arrangerer diskoteket i festsalen i kulturhuset laurdag kveld.

– Diskotek har alltid vore populært på Husnes, og sjølv om To Søstre ikkje er i drift lenger ønskjer vi likevel å laga eit tilbod. Dei gongene Real Audio har vore her har det kome mellom 250 og 300 personar til diskoteka, og fordi festsalen er så stor håpar vi så mange som mogleg tek turen og støttar opp.

Men diskoteket i festsalen blir ikkje eit permanent tilbod førebels:

– I første omgang ønskjer vi berre å ha dette eine arrangementet, i mangelen på noko liknande. Vi ønskjer ikkje å konkurrera med nokon, håpet er jo at andre vil starta opp uteplass og halda fram med diskotek, seier Lemicka Brix.

Real Audio lovar stort lyd- og lysshow og bra dansemusikk i festsalen. Arrangementet har 18 års aldersgrense.