Brødrene Løwenstierne har tørka støv av gamle calypsoperler. Steinar Taarn Sande (t.h.) og Henrik Horge. (Pressefoto: Mikaela Berg).

Løwenstierne på vinyl

Torsdag kveld stod Brødrene Løwenstierne for eit originalt plateslepp.
Trude Aarsand E-post
Publisert 29.06.2013 kl 08:00 Oppdatert 29.06.2013 kl 10:25

Tips ein venn på e-post:



Duoen Brødrene Løwenstierne, med Henrik Horge og sandvollbuen Steinar Taarn Sande, slår til med ny moro på musikkfronten. Torsdag kveld var det plateslepp på John Dee i hovudstaden; noko så originalt som 10 calypso-låtar på gamaldags vinyl er sleppt.

Calypso-musikken oppstod i Karibia og var svært populær på 20-, 30- og 40-talet i førre hundreåret. Munter og rytmisk dansemusikk med kvasse gitarriff og rare tekstar. Harry Belafonte er den fremste og mest kjende av dei som bringa musikken til Europa. Men ifølgje Sande finst det eit stort tilfang som aldri fann vegen til Europa, musikk som berre finst i originalversjon, innspelt med enkelt teknisk utstyr og heimelaga instrument.

– Vi har leita og lytta i fleire år for å finna fram til det beste. Ideen vår var å finna ut korleis musikken blir med dagens teknologi, seier han.

Og no er timen komen. Brødrene Løwenstierne er i hamn med det originale prosjektet. Platene blir i sal hos alle vinylplateforhandlarar, men sidan det er ganske få av dei, lovar Sande at musikken etter kvart blir tilgjengeleg for alle på iTunes.

Eit grundig arbeid ligg bak det endelege resultatet. Brødrene Løwenstierne har med seg sju solide musikarar for å gi til kalypso-musikken til beste. Dei tre førstnemnde var på Husnes med Steinar Taarn Sande under fjorårets kulturfestival; Roar Nilsen (gitar), Øystein Bergsvik (trommer/sag), Julius Lind (kontrabass), Torstein Velsand (fele), Øyvind Blomstrøm (mandolin/perkusjon), Hans Martin Austestad (banjo) og Tom Mathisen (jazzgitar). Sistnemnde er kjend som moromann frå Prima Vera. 61 år gamal debuterer han no som band-gitarist.

Steinar Taarn Sande syng og spelar munnspel, medan Henrik Horge blæs kazoo i tillegg til å syngja.

– Resultatet er blitt bra, takka vere dyktige musikarar, lovar Sande.

På forsiden nå


Tok idrettsmerket for 50. gang

Marie Eik Nygård meiner det er viktig å vera i god form. No har ho teke idrettsmerket for 50. gang.

Jubla for skileikarena

Laurdag opna den nye skileikarenaen Ternenkollen i Tveitedalen. Sjå video av små og store kosa seg på ski og akebrett i flott vintervêr!

Ikkje opning før søndag

Vegen der det gjekk ras i Mauranger er framleis stengt laurdag.

Spøkjer for bassengodkjenning

Rådmannen er budd på å opna bassenget i Rosendal så snart det er klart. Men det står att å sjå om Miljøretta helsevern vil godkjenna anlegget.