Og hadde forfattaren, salig Ludvig Holberg, sett denne Jeppe-versjonen, så hadde han vel knapt kjent stykket att. For her drog Frode Rasmussen fram både slaget ved El Alamain under 2. verdskrigen, Elvis, Brann, Dolly Parton, og ei rekkje kjende bergensviser. Saman med Øystese-jenta Heidi Marie Vestrheim, boltra han seg både på scena og nede mellom publikum.

Og dei fekk publikum med seg. Mang ei lattertåre rann nedover kinna på dei frammøtte, og ingen skulle tru at dette var Frode Rasmussen sitt «comeback» på scena etter ei alvorleg sjukdom. Han var kort og godt strålande.