I brev underskrive av fylkeskonservator Per Morten Ekerhovd og fylkesarkeolog Lars Øyvind Birkenes, heiter det mellom anna at ut frå kunnskap om kulturminne på gardane Nes og Skåla, samt tidlegare registreringar i området, finn dei det turvande med ei arkeologisk registrering for å avgjera om tiltaket kjem i konflikt med til no ikkje registrerte kulturminne.

– Vi har ikkje heimel for å krevja registreringa gjennomført før reguleringsplanen vert lagt ut til offentleg ettersyn, men det vil vera ein føremon for tiltakshavar å klarleggja spørsmål kring kulturminneverdiar i området på eit tidleg tidspunkt i planprosessen, heiter det i brevet.

I fylgje kulturminnelova er det tiltakshavar som må kosta registreringsarbeidet, som av fylkeskommunen er rekna til 112.800 kroner.