Med mange flotte ord og ros vart Torgplassen i Husnes sentrum opna i dag. Kjell Nupen står bak utforminga av plassen, som er betalt av Mosvoldgruppen og Kvinnherad kommune. Synnøve Solbakken og Kurt Mosvold stod for den offisielle opninga.

Før dette hadde Mike Peters frå The Alarm halde ein minikonsert og plassen fått sitt offisielle namn. Det stod mellom Blåplassen og Torgplassen, og publikum stemde fram Torgplassen. Jarle Rørdal og Wenche Tungesvik stod bak namneforslaget.

Ein susande avslutning på det heile sørgja Bjørn Eidsvåg med band for. I strålande solskin vart det ein storarta opningsdag.