Med ei brosme på 5,44 kilo vart Fatland frå Halsnøy vinnaren av fiskekonkurransen.

Det var i år heile 65 små og store med i konkurransen, noko som er veldig bra. Fangsten var ikkje av dei beste i år, men nokre fiskarar fekk bra med fangst.

Det var svært jamt mellom nummer ein og to når det galdt å få mest fisk. Her gjekk Kristian Lunde av med sigeren, rett før Oddvin Grindevik, som har vunne fleire gonger tidlegare.

– Veldig kjekt seier Lunde, som skal ha fisken med heim til kona. Fangsten bestod stort sett av lyr.