Ingunn Uglehus var ein av fleire vegfarande som skulle forbi ein liten innsjø av vatn.

– Det skapte kø i begge retningar. Bilar med høg bakkeklaring kom seg over, så sant dei heldt seg på oppsida av vegen, skriv Uglehus i ein epost til Kvinnheringen.

Ho venta i ein halv time før ho våga seg over, og tida nytta ho til å ta bilde og studera store og små sine ulike taktikkar for å forsera flaumen.

– Strand-Ulv sine smågutspelarar på Hatlestrand- og Varaldsøy-sida vassa over for å bli frakta vidare til fotballkamp i Ølve, fortel Uglehus.

Også han som hadde baka kake til kampen, Nils Arne Våge, tok av seg på beina og fekk frakta kaka trygt over.