Det sa distriktsvegsjef i Statens Vegvesen, Arnfinn Ansok, til Kvinnheringen under markeringa av Kulturminnedagen for postvegen. Over 400 hundre var møtt fram til den høgtidlege markeringa ved den gamle Hellandsbrua i ettermiddag.

Dette er det femte og siste kulturminnet i Hordaland som er peika ut av Statens Vegvesen.

– Dette er eit verdig kulturminne. Eg er svært imponert over arbeidet som så langt er lagt ned i den tre mil lange postvegen frå Utåker til Herøysund, seier distriktsvegsjefen som stod for den offisielle opninga av Kulturminnedagen.

140 personar har delteke i det omfattande dugnadsarbeidet. Statens Vegvesen har bidrege med rundt 500.000 kroner. I tillegg har næringslivet spytta inn 200.000.

Ove Tvedt, Otto Vikane, Nils Nonås og Kristian Bringedal som alle har hatt sentrale roller i prosjektet med fullføring av Postvegen, vart tildelt blomar av distrikstvegsjefen for arbeidet som var nedlagt.

– Det er nok mange fleire som hadde fortent blomar, meinte Ansok.

Utåker musikklag stod for det musikalske innslaget under feiringa, medan dei lokale revyartistane Ørjan Bakke og Nils Trygve Markhus sytte for at postvegvandrarane også fekk trimma lattermusklane.