Det regna sidelengs og fotballbanen var gjørmete, likevel var det berre smilande ungar å sjå i Herøysundet i dag. Foreldre i solid regntøy fekk ein våt dag då dei var med sine håpefulle på turnering. Men for dei yngste spelar ikkje nokre dråpar nokon rolle – fotball er gøy uansett.

Det var rundt 200 spelarar i alderen seks til åtte år som var i sving søndag. Laga kom frå heile kommunen. Kjekkast av alle hadde spelarane på heimelaget det, som til denne turneringa hadde fått splitter nye drakter.