Med is, suppe og eplekake laga av borna sjølve vart det i dag feira at Undarheim barnehage har fått ei ny avdeling. hHer var alle born frå barnehagane på Husnes på plass.

Av vaksne var både byggherrar og kommunetoppar invitert til å vera med på markeringa. Sjølve opninga stod varaordførar Synnøve Handeland for, ho heldt ein kort tale, slik at borna kunne få isane sine så fort som mogleg.

I tillegg bidrog skulekameratane med song. Den nye avdelinga er 237 kvadratmeter og har plass til 24 barn.