Nattdykk

Torsdag 3. desember var det internasjonalt nattdykk - også i Røyrvikvågen nær Sunde. Dykkarklubbar i 22 land var i sving, og målet var å ha flest mogeleg dykkarar i vatnet klokka 20:09, 3. desember 2009. Kvinnherad Undervannsklubb deltok med fem dykkarar i Røyrvikvågen. Dermed var den lokale klubben med på å setja verdsrekord: Per 4. desember var det ifølgje www.dykking.no registrert over 2.600 dykkarar i 22 land som var under vatn på same tid. Den lokale dykkarklubben har eksistert heilt sidan 1966, men sidan 2005 har det vore lite aktivitet i klubben. Tidlegare i år fann nokre av dei aktive ut at dei ville sparka liv i klubbaktivitetane. Eit interimstyre vart danna, og Jan Arthur Kalsaas, Sunde, vart valt til leiar. Han fortel at klubben har nær 35 medlemer og er rundt 20 aktive. Kalsaas håpar endå fleire sluttar seg til Kvinnherad Undervannsklubb og vonar interesserte tar kontakt. På bildet er det bak frå venstre: Robert Tungesvik, Kenneth Lindås, Jan Arthur Kalsaas, Odd Reidar Hansen, Kjetil Sunde. Framme f.v.: Marko Heggøy, Trond-Arve Moen og John Inge Nordfonn.