Harding omorganiserer
www.kvinnheringen.no: Umoe Schat-Harding har forenkla organisasjonsstrukturen sin. Den nye organisasjonen er delt i fire einingar.
– Vi har hatt sterk vekst dei siste åra og yter service over heile verda døgeret rundt, seier adm. direktør Ove Røssland i ei pressemelding. Produksjon og service føregår fleire stader i verda for å kunna vera nærare kundane.
Den nye organisasjonen består av Umoe Schat-Harding Group AS, Umoe Schat-Harding Equipment AS, som har ansvar for produksjon og nye prosjekt, Umoe Schat-Harding Services AS, som har ansvar for service på utstyr levert av Umoe Schat-Harding, og Umoe Schat-Harding Eiendom AS, som eig og administrerer konsernet sin eigedom i Norge.
– Denne modellen skal betre samsvara med selskapet si verksemd, som er blitt meir global og i større grad er oppteken med service, seier Røssland. Den nye organiseringa skal òg gjera konsernet betre rusta for framtida.
Ordresituasjonen er god, Harding har gode produkt, men marknaden er tøff.
Harding har fabrikkar i Norge, Storbritannia, Nederland, Tyskland, Italia, Panama, Singapore, Spania, Canada, Tsjekkia, USA og Kina, og agentar og samarbeidspartnarar i 30 andre land.
|
|
Utskriften er kun til privat bruk og kan ikke benyttes på annen måte.
Kopiering eller spredning av innholdet krever avtale med rettighetshaver eller Kopinor.
