Valet vart gjennomført under Hordaland Venstre sitt årsmøte i Bergen søndag.

Handeland er varaordførar i Kvinnherad. Ho har i to år sete som styremedlem i fylkeslaget. Den nyvalde leiaren er ikkje tvil om kva arbeid som må prioriterast den næraste tida.

– Venstre i Hordaland fekk utruleg mange nye medlemer etter Stortingsvalet. Alt på valnatta tikka dei første nyinnmeldinga inn til kontoret. I dagane etter fekk vi i ein periode eitt nytt medlem kvart minutt. Den viktigaste oppgåva for oss vert no å få sving på dei lokale venstrelaga rundt i fylket vårt. Skal vi gjera det godt i lokalvalet neste år, må vi ha sterke lokallag i Venstre, meiner Synnøve Handeland.

Venstre i Kvinnherad gjorde eit brakvalet ved kommunevalet i 2007, og fekk fem representantar i kommunestyret.

Det vert ein jentetrio som skal styra Hordaland Venstre dei neste to åra. Synnøve Handeland får med seg Gunn-Vivian Eide som politisk nestleiar og Åsta Årøen som organisatorisk nestleiar.