Fredag kveld vart 40 bilar kontrollerte på Husnes. Det resulterte i to forenkla førelegg: Eitt for manglande sikkerhetsbelte og eitt for feil bruk av grøftelys.

Seint laurdag kveld vart 12 bilar kontrollerte på Valen. Der vart det skrive ut eit forenkla førelegg for feil bruk av grøftelys.

– Dette med bruk av grøftelys etter at det er blitt mørkt er dessverre ein gjengangar, påpeikar politiførstebetjent Torgeir Fosse.

Problemet er at grøftelys blendar både møtande bilar og sjåføren i bilen som har grøftelyset på.

– Førelegget for slik lysbruk er på 2.000 kroner, åtvarar Fosse.