Tak på symjehall raste saman
www.kvinnheringen.no: Taket over symjehallen ved Hatlestrand skule har rast saman søndag føremiddag. Til alt hell skjedde dette ein dag der elevane hadde fri. Hadde dette skjedd i skuletida ville det vore ein katastrofe som ikkje er å tenkja på.
Også deler av veggene har rast saman over symjehallen, der det til dagleg er full aktivitet.
Vaktmeister ved skulen Lars Gjerde er sjokkert over det som har skjedd. Han stipulerer at det låg rundt ein halv meter snø på taket.
Gale syn
– Det er eit heilt gale syn, og dragarane som held taket er knekt rett av, seier Gjerde.
Ut over føremiddagen har det samla seg ein del folk for å sjå på taket, og folk er rysta.
– Det er synd og trist, men vi må no berre vera glade for at dette skjedde ein dag det ikkje var elevar på skulen, seier Gjerde.
– Det ligg like mykje snø over heile det flate taket på Hatlestrand skule.
|
|
Utskriften er kun til privat bruk og kan ikke benyttes på annen måte.
Kopiering eller spredning av innholdet krever avtale med rettighetshaver eller Kopinor.
