Fire dagar etter at fleirtalet i kommunestyret i Kvinnherad, med støtte frå AP, vedtok at næringslivet skulle betala maksimal eigedomsskatt, bad Hans Håland om å bli stroken frå alle roller i partiet, både lokalt og sentralt.

– Dette kunne dei spart seg for. Å påleggja næringslivet ein dyr eigedomsskatt i ei tid då mange kjempar for arbeidsplassane sine, vert heilt feil, meiner Hans Håland.

Bilmekanikaren frå Hatlestrand sit i styret i Kvinnherad Arbeidarparti. Han har to periodar bak seg i kommunestyret. Håland er mildt sagt irritert over at partikollegaene hans i kommunestyret kunne vera med på å vedta ein slik skatt for næringslivet.

– Eg er prinsipielt motstandar av eigedomskatt, men har på ein måte slått meg til ro med to promille for private bustadar og eigedomar. Men det vert eit heilt feil tidspunkt å innføra sju promille i eigedomsskatt for næringslivet no, i ei tid der mange ikkje veit om dei har jobb ved slutten av dagen, seier Håland.

Les meir i dagens papirutgåve av Kvinnheringen.