Det vart klart på eit møte nyleg mellom styremedlemer for dei to laga, der dei vart samde om å arbeida for samanslåing innan to år. Tre representantar frå kvart av styra var med på møtet saman med tre representantar frå Det Frivillige Skyttervesen (DFS).

I ei pressemelding frå laga heiter det at Rosendal og Omvikdalen skyttarlag pliktar seg til å arbeida seriøst for samanslåing av laga innan to år. I uttalen frå møtet heiter det og at det skal vera lik fordeling av medlemer i styret for det nye skyttarlaget dei første to åra. Det same gjeld for valnemnda.

DFS tilbyr seg å hjelpa til med prosessen. I avtalen står det og at DFS kan avgjera nytt namn på det samanslåtte skyttarlaget.

På møtet kom ein og til semje om ein mellombels driftsavtale for Midthølen skytesenter.

Les meir i papirutgåva i morgon.