Dermed vart det bom stopp og lange køar då ein stor semitrailar og ein isbil skulle prøva passera kvarandre på det smalaste i Toftebrekko.

– Eg la bilen heilt opp på snøkanten, men i det vi skulle passera kvarandre glei bilen ned og trefte den møtande, fortel ein av sjåførane.

Den største av bilane var på veg til Ranavik. Bak seg hadde han fleire store og mindre bilar som skulle nå ferja. Det danna seg lange køar på begge sider av kollisjonsstaden i starten. Men etter kvart vart dei andre bilane losa ned på gamle vegen, via Sæbø.

Bergingsbil vart tilkalla for å få dei to bilane frå kvarandre.