Ung sokneprest
www.kvinnheringen.no: Bjørgvin bispedømeråd tilsette i går Ole Kristian With Due (26) som sokneprest i Uskedalen sokn, med Husnes og Holmedal sokn og Uskedalen sokn som tenestestad. Dette er ei nyoppretta stilling.
Ole Kristian With Due er oppvaksen i Hamarøy i Nordland og budde i Molde frå han var 10 år. Presteutdanninga har han frå Misjonshøgskolen i Stavanger.
Den nye soknepresten er for tida feltprest på Bodø Hovedflystasjon. Han skal ha eit særleg ansvar for konfirmantarbeid, dåpsopplæringsplan, kontakt mellom kyrkje, skule og barnehage i begge sokna.
Presten skal og bruka noko av tida si på ungdomsarbeid ut frå eigne interesser, føresetnader og eigne prioriteringar. Det er den tidlegare kapellanstillinga i Husnes og Holmedal prestegjeld som er omgjort til soknepreststilling.
Den nye soknepresten skal bu i prestebustaden på Valen og han skal ha kontor på Husnes kyrkjekontor.
With Due har ei veke på seg til å bestemma seg for om han tek imot stillinga. I fall han seier ja, reknar han med å vera på plass utpå hausten.
Den andre søkjaren var Magnhild Handeland Heiberg (56 år). Ho er sjukehusprest på Kongsvinger.
|
|
Utskriften er kun til privat bruk og kan ikke benyttes på annen måte.
Kopiering eller spredning av innholdet krever avtale med rettighetshaver eller Kopinor.
