Det var like før klokka 16.30 onsdag ettermiddag politiet fekk melding om ei arbeidsulukke ved den nedlagde Sætre skule på Halsnøy. Ein mann kom under ein gravemaskin i samband med grunnarbeid for den nye skulen, Halsnøy skule. – Eg kan stadfesta at ein mann er omkomen. Mannen er ikkje tilhøyrande i Kvinnherad, men i ein av nabokommunane, seier politioverbetjent Sig Dagfinn Tveiten til Kvinnheringen. Lege og ambulanse kom raskt til staden. I tillegg vart det rykt ut med ambulansehelikopter frå Bergen. Men livet til den skadde stod ikkje til å berga. – Det er altfor tidleg å seia noko om årsaka til ulukka. Den vil bli etterforska vidare, uttala Tveiten på ulukkesstaden. Dei pårørande er varsla om den tragiske arbeidslulukka.