Det er Folgefonna Nasjonalpark som på vegner av fem kommunar står bak søknaden. Prosjektet går frå 2010 til 2013 og har ei kostnadsramme på vel åtte millionar kroner. Reknestykket og heile prosjektet er basert på eit tilskot frå DN på 4,1 mill. kroner. Kommunane Odda, Ullensvang, Jondal, Etne og Kvinnherad skal til saman yta vel tre millionar kroner. Det er elles budsjettert med 700.000 kroner frå andre offentlege instansar og 300.000 kroner frå SKL.

– Det er ei positiv overrasking at vi no er komne med i verdiskapingsprogrammet, kommenterer Svein Opdal som har handtert søknaden for Folgefonna Nasjonalparksenter.

Kort fortalt går prosjektet ut på å oppdatera åtte gamle ferdselsruter og turiststiar frå fjord til fonn rundt Folgefonnhalvøya. Søkjelyset skal setjast på å gjera naturverdiar innan geologi, fauna, flora og kulturminne lettare tilgjengeleg. Heilt handfast vil det skje ved å skilta, laga til rasteplassar, parkeringsplassar og utsiktspunkt, og dessutan sikra stiar, bruer og anna.

Les meir i papiravisa fredag.