Med nokre månaders mellomrom troppa kvinna opp på Kvinnherad Lensmannskontor og melde tjuveri av fotoapparat, iPod Touch, bukse og iPhone. Ho fekk utbetalt erstatning for gjenstandane frå forsikringsselskapet sitt. Forsikringsselskapet sette i verk privat etterforsking av kvinna, og avslørte at dei påståtte tjuveria aldri hadde skjedd.

Sunnhordland tingrett har dømt 37-åringen til 45 timar med samfunnsstraff. I tillegg må ho betala Sparebanken 1 Skadeforsikring AS 13.978 kroner i erstatning og kostnader for privat etterforsking og utbetalt erstatning.

Utgangspunktet i slike saker er fengselsstraff, men kvinna tilstod det straffbare tilhøvet, og det er her tale om relativt små summar, meiner retten.

Kvinna er aldri tidlegare bøtelagt eller straffa.