Saka om Johan Brigtsen sitt kjøp av den tidlegare HSD-ferja «Bjørnefjord», har skapt stort engasjement på Kvinnheringen sitt debattforum «Kvardag.no».

Mange av innsendarane konkluderer med at ferja skal bli liggjande attmed «Hardangerfjord», ei anna tidlegare HSD-ferje som Brigtsen har kjøpt og som ligg ved anlegget han har i Dimmelsvik, og øser seg opp over det.

I intervjuet presiserte Brigtsen at eit eventuelt «Bjørnefjord»-opphald i Dimmelsvik ville vera midlertidig.

Sist veke låg rett nok dei to ferjene attmed kvarandre i Dimmelsvik, men ifølgje Brigtsen var det kortvarig. Han hadde skaffa «Bjørnefjord» tryggare hamn i Odda, og skulle ta ho dit.

Planen er å rusta opp den tidlegare stas-ferja og setja ho inn i turisttrafikk i fjordane rundt oss. Båtvøla skal han prøva å få til i samarbeid med andre, som til dømes Hardanger Vetranvognklubb i Odda.