Heidra for lang teneste
www.kvinnheringen.no: Under ei samkome i tunet på Mel i Rosendal i føremiddag, vart Harald Mehl (85) heidra med diplom og blomar for lang tid i vermeldinga si teneste.
Harald Mehl har målt nedbør for Meteorologisk institutt sidan september 1940, og trass i at han har hatt jobben samanhengande i 70 år, har han førebels ingen konkrete planar om å gje seg.
– Dette er temmeleg unikt, og kanskje norsk rekord, sa informasjonsrådgjevar ved Meteorologisk institutt, Therese Ihli Gruehagen, då ho saman med inspektør ved instituttet, Ted Torfoss, troppa opp i tunet på Mel i dag, og med nokre velvalde ord, diplom og blomar heidra 85-åringen.
Innslag frå feststunda på Mehl kan du sjå meir frå på Vestlandsrevyen måndag.
Mest lese no
|
|
Utskriften er kun til privat bruk og kan ikke benyttes på annen måte.
Kopiering eller spredning av innholdet krever avtale med rettighetshaver eller Kopinor.
