Auke i Folgefonntunnelen
www.kvinnheringen.no: I alt 235.048 køyretøy passerte gjennom Folgefonntunnelen i fjor, ein auke på 18.955 eller 8.8 prosent frå året før.
– Dette er veldig gode tal som vi sjølvsagt er svært godt nøgde med, seier dagleg leiar for Folgefonntunnelen AS, Geir Mogren, som legg til at trass i gode rabattordningar tener tunnelselskapet pengar, og likviditeten i dag er svært god.
– Dette gjev oss grunnlag for å innfri lån, noko som vil føra til lågare innbetaling for kommunane også neste år. Alt tyder og på at mestedelen av bompengelåna vil vera nedbetalte i 2014, seier Mogren.
Statistikken for fjoråret fortel mellom anna at det i snitt passerte 643 køyretøy dagleg gjennom tunnelen, medan tala for dei to føregåande åra var på 592 og 555. Som vanleg var det størst trafikk i juli, då det passerte 35.597 køyretøy, eit snitt på 1148 pr. dag.
– Det er ein temmeleg formidabel trafikk, seier Mogren, som og gler seg over uvanleg stor trafikkauke dei to siste månadene i fjoråret.
|
|
Utskriften er kun til privat bruk og kan ikke benyttes på annen måte.
Kopiering eller spredning av innholdet krever avtale med rettighetshaver eller Kopinor.
