I vedtaket heiter det og at dette vil føra til driftsendringar i alle sonene. Punktet om at det vil bli driftsendringar på Varaldsøy og Ølve vart teke ut av vedtaket.

Det skulle vore 177 plassar i Kvinnherad i dag, men det er berre 169. Med budsjettet i 2012 vil det bli 153 plassar, altså 24 for lite samanlikna med kor mange det burde vera. I 2012 beheld ein same pasienttal som i dag. Husnes reduserer med åtte og Rosendal åtte, informerte Gunn Tove Petterteig.

Ved full utbygging i Rosendal vil det i 2015 vera 30 plassar fleire enn det som det er behov for, rekna etter tal 80-åringar. I 2020 vil ein ha 24 for mange plassar. Dette er normtal frå Statistisk sentralbyrå, opplyste ho om.

– Fagorganisasjonane seier ein ikkje må nytta ostehøvelprinsippet. Det er dyrt å driva pleie og omsorg, og opp til dykk å finna løysingane de synest best om, sa Petterteig.

Debatten var lang og nesten kvar einaste representant i salen ville ha ordet.

Les heile saka i papiravisa til Kvinnheringen i dag fredag.