Søndag hadde programmet premiere på TV 3. I serien skal deltakarane kjempa mot kvarandre og i tillegg overleva utandørs i sprengkulda med få hjelpemiddel. I den første episoden fekk vi møta Merete Fjellstad og dei 15 andre deltakarane, som vart delt inn i to lag; Lag Nord og Lag Sør. Då laga kjempa mot kvarandre tapte Lag Sør konkurransen, og seinare måtte dei stemma ut ein av deltakarane på laget sitt. I episoden fekk vi sjå at det oppstod gnissingar mellom Merete og dei andre deltakarane, og nokon meinte ho var for sjefete. Under Isrådet vart det einstemmig vedteke at ho var den som måtte forlata ekspedisjonen.

– Eg var ikkje heilt førebudd på at det skulle bli meg. Vi hadde liksom ein avtale om at det eigentleg var Robert vi skulle stemma ut, men no ser eg at eg er blitt lurt. Vi får sjå korleis dei klarar seg utan meg i gruppa, eg trur nok at dei kjem til å sakna meg, sa Merete i intervjuet etterpå.