Denne gongen hadde vegvesenet fokus på bruk av bilbelte, og til saman kontrollerte dei 589 førarar. Ti førarar fekk bot på 1.500 kroner kvar for ikkje å ha brukt bilbelte. Tre førarar fekk også bot for ikkje å ha med seg førarkort eller vognkort, og det kosta dei 500 kroner per dokument dei mangla. Ein førar vart meldt for ikkje å ha sikra ein passasjer under 15 år tilstrekkeleg.

– Det er nok ikkje alle som er klar over det, men har du personar under 15 år med deg i bilen skal dei sikrast forsvarleg, og det er føraren sitt ansvar. Born under tre år skal heller ikkje sitja usikra i bil. Dersom du er usikker på kva reglar som gjeld for bilbelte og barnesete kan du gå inn på Statens vegvesen og lesa om dei der, fortel Geir Sverre Andreassen i Statens vegvesen.

Han anbefaler alle å gjera seg kjent med desse reglane. Viss ikkje kan du risikera å bli meldt og få eit forenkla førelegg på 2.000 kroner og prikkar i førarkortet.