Dermed har Trio to sigrar og eitt tap og framleis håp om å gå vidare frå kvalifiseringspulja og få vera med i NM-cupen. Skal Trio-gutane få det til, er det fleire ting som må klaffa. Først og fremst må Trio slå Odda på Kvednabekkjen kunstgrasbane førstkomande fredag. I tillegg kan målforskjellen bli avgjerande, og i så måte hadde Trio eit kjedeleg arbeidsuhell då laget i den første kvalifiseringskampen gjekk på eit 8–1-tap borte mot Øygard.

Fortent siger

Ifølgje trenar Håkon Ekeland var sigeren mot Vadmyra fullt fortent. Rett nok tok gjestene føringa 10 minutt ut i andre omgang – og det like etter at dei fekk ein spelar utvist – men Trio slo tilbake.

– Me hadde i grunnen god kontroll på heile kampen. Laget jobba svært godt defensivt, og Vadmyra hadde ikkje mange sjansar utanom skåringa, seier Ekeland.

Trio si ulikning kom etter at Roger Ekeland kom til innlegg og Seyed Sadat sette ballen i mål. Roger Ekeland skaffa òg Trio eit straffespark, då Vadmyra måtte ty til ulovlege midlar. Espen Saghaug sette inn straffesparket.

Tabellen for pulja finn du her.