Trio sitt jenter 14-lag måtte vinna kampen mot Bremnes tysdag kveld, dersom laget skulle dra puljesigeren i land. Og 15–0 må seiast å vera ein svært så overtydande måte å gjera det på. Kaptein Helga Grønstøl starta festen med å setja inn det første målet, vidare presterte ho å laga ekte hattrick i begge omgangane og enda til slutt opp med åtte mål!

Bremnes hadde ein svært dyktig målvakt. Utan hennar innsats kunne det lett blitt dobbelt så mange mål.

Trio-jentene hadde full kontroll og sleppte ikkje Bremnes til i det heile. Angrep på angrep vart rulla opp på lekkert vis, og dei relativt få gongene gjestene prøvde seg, vart dei kontant avvist.

Kaptein Helga Grønstøl var naturleg nok nøgd etter kampen:

– Ja, lagvenninnene mine var veldig flinke, smiler Helga, men må vedgå at Bremnes-målvakta til tider var irriterande god.

No ser ho fram til kampen om krinsmeisterskapet. Etter Hordaland fotballkrins sitt oppsett, blir det semifinale mot Kalandseid/Søfteland alt laurdag. I den andre semifinalen møtest Øystese og Erdal, og helga etter er det finale.

På IL Trio sine heimesider finn du meir om kampen.

Tabell og resultat finn du her.