Kvinnherad-jentene opna best. I fyrste del av fyrste omgang gjekk det meste etter læreboka for Kvinnherad. Måla trilla inn og forsvaret fungerte skikkeleg bra. Kvinnherad handballklubb kunne gå til pause med sjumålsleiing. Men bergensjentene hadde ikkje tenkt å gje opp. Dei beit seg fast og klarte og å hala innpå i siste del av kampen. Noko av grunnen var at Kvinnherad handballklubb i store deler av andre omgang måtte spela med ei og til tider to jenter på benken etter utvisingar.

Marianne Øvstebø toppa scoringslista med 10 mål, tett følgd av Birgitte H. Johansen med ni og Kine Brix Strand med åtte.

– Me byrja veldig bra, men datt litt nedpå mot slutten. Eg følte likevel at me hadde kontrollen, oppsummerer trenar Arne Lindeflaten.

Med siger over Bergen Håndballklubb tok Kvinnherad Handballklubb eit langt steg mot opprykk.