Det er nærare ti år sidan sist det vart arrangert skifeltskyting på Midthølen, men dei store snømengdene har no gjort det mogleg å avvikla meisterskap, melder Omvikdalen skyttarlag. Det skal skytast to seriar med seks skot på feltfigurar på 100 meter for rekrutteringsklassar og veteran. Senior kvinner og menn skyt på to hald, eitt på om lag 100 meter og eitt litt lenger unna. For å gjera det enkelt, ligg geværet på standplass. Deltakarane går på ski i klassisk stil og skal ikkje bera med seg geværet. Ein får tilleggsminutt for bom. All skyting er liggjande. Dersom det er nokn som gjerne vil vera med, men ikkje har tilgang til gevær, så kan dei få låna eit ferdig innskote lagsvåpen finkaliber.

Flotte solbriller i premie til alle deltakarar. Påmelding ved start. Styret i Omvikdalen skyttarlag vonar at fleire unge og vaksne vil ta turen til Midthølen laurdag og delta på noko som er litt utanom det vanlege skyteprogrammet.