Kampen enda 3–0 til heimelaget som ligg på topp av andredivisjonstabellen. Settsifra var 25–17, 25–16 og 25–23.

Stord som ligg på nedre del av tabellen, måtte reisa heim utan poeng etter lokaloppgjeret.

– Me har hatt tøffare motstandarar i Husneshallen i år, uttalte ein nøgd Eirik Sævareid.

Med berre tre kampar igjen av sesongen, der alle blir spelt på bortebane komande helg, byrjar seriesigeren å nærma seg.

– Vinn me to kampar til skal me vera sikra siger. Rossvoll er den største trusselen, fortel Sævareid.

Laurdag spelar Trio mot Nyborg 3 og BSI 2 i Bergen. Søndag spelar Trio mot Austevoll. Vinn Trio sitt herrelag serien, må dei vurdera om dei ønskjer å rykkja opp i førstedivisjon neste sesong. Damelaget til Trio toppa andredivisjonsserien i fjor og har denne sesongen spelt i førstedivisjon. Damene har fått tøff motstand, men klarte å nå målet sitt om å halda på plassen i førstedivisjon.

– Dersom me vinn serien må me gå ein runde internt for å sjå om det er grunnlag for førstedivisjonsspel. Førstedivisjon stiller større krav til både spelarar og økonomi, fortel Sævareid.