Høg temperatur og kamplyst prega Trio sin heimekamp mot Trott fredag kveld. Den jamne kampen mellom laga, som begge kjempar mot nedrykk frå 4. divisjon, enda med 2–1 til Trio.

– Kampen var jamn, og vi er godt fornøgde med å ha gått sigrande ut av den, seier trenar Håkon Ekeland.

Laga hadde omtrent like mange sjansar, men hellet var på Trio si side, trass i to stolpeskot.

– Innsatsen frå det unge og sterke laget var upåklageleg i kveld, skryter trenaren.

Neste seriekamp er heime mot Telavåg neste helg. På tabellen ligg laget på plassen over Trio, men Ekeland satsar på siger og nye tre poeng.

– Vi går for siger. Det er det einaste som gjeld i dei seks kampane som står att.

Tabell og resultat finn du her.