– Ein skikkeleg arbeidssiger, seier trenar Ingvar Hølland, framleis hås i stemma etter strabasane på Etne stadion. Resultatet vart 1–2 i favør av Halsnøy, som med det rykka opp frå femte til tredje plass i 5. divisjonsserien i Rogaland fotballkrets. Arnljot Hvidevold sytte for begge måla.

– Laget jobba hardt under heile kampen, mange sjansar enda resultatlause, men nokre gav også utteljing, seier trenaren som er stornøgd med innsatsen frå spelarane.

– Kampen gjekk mot ein tøff motstandar på ein vanskeleg bane. Å vinna var godt gjort, synest Hølland.

Halsnøylaget hadde med seg 23 spelarar og 10 supportarar som greidde å laga skikkeleg liv på tribunen. Desse skal nokså sikkert ha litt av æra for sigeren over Etne som før helga låg likt med Halsnøy.

Neste helg blir det heimekamp mot Ferkingstad, eitt av laga nedst på tabellen, men Hølland tek ingenting for gitt.

– Sjølvsagt trur vi på siger, men vi er innstilte på å måtta jobba for poenga.

Tabell og resultat her.