Frida Berge (16) har greidd det igjen. Under Ungdomsmeisterskapen (UM) i Molde sprang ho til gull på 1500 meter hinder på tida 5,03. Tida heldt også til ny norsk aldersrekord, tre sekund betre enn den gamle rekorden på 5,06, og heile 15 sekund betre enn Frida sin gamle pers på 5.18 frå UM i fjor.

– Eg er kjempefornøgd, strålar Frida på telefon frå Molde. – Eg opna hardt og greidde nesten å halda farten fram til mål. Skikkeleg kjekt!

Frida Berge sikra seg også bronsemedalje på 800 meter. Det skjedde i konkurranse med 22 andre løparar frå heile landet laurdag. Frida kom i mål på tida 2,17, noko ho er fornøgd med, sjølv om tida ligg litt under persen.

– Målet var medalje. Det greidde eg!