Tsega Gebremicael Berhane (36) kom til Norge og Høyanger frå Eritrea i 2015. I 2016 gjekk ferda vidare til Kvinnherad.

Her fekk Tsega gå grunnskule hos vaksenopplæringa. Ho og sonen – vesle Lamiek (no sju år) – fann seg kjapt til rette. Lamiek gjekk i barnehage, fekk seg venner og starta på barneskulen.

Men så måtte den vesle familien ut av kommunen.

Amal Zuhir Almakawi (25) frå Syria er ei anna kvinne som saman med familien fann seg godt til rette i Kvinnherad, og som drøymer seg tilbake.

– Her er det berre jobb og jobb. Vi saknar Kvinnherad, og følte familien var nærmare kvarandre der, seier Amal.