Straumordninga vil treffe rundt 20.000 bedrifter og kostar 3 milliardar kroner, opplyste næringsminister Jan Christian Vestre (Ap) då han fredag la fram tiltakspakken.
Pakken inneheld ei rekkje ulike element, som direkte støtte, lånegaranti og støtte til energitilskotsordningar.
Andreas sin butikk på Husnes fekk svimlande straumrekning – må redusera opningstidene
Lånegaranti
* Straumpakken inneheld ei lånegarantiordning for å sikre likviditeten til bedriftene. Staten garanterer for 90 prosent av staumlån.
Dette inneber at staten garanterer for 90 prosent av beløpet i nye banklån til bedrifter som står overfor ein akutt likviditetsmangel som følgje av høge straumutgifter.
Ordninga opnar i november og skal vare til våren 2023. Det blir føresett at ho blir godkjend av Eftas overvakingsorgan Esa.
* Pakken inneheld også søknadsordning til energisparing. Den skal administrerast av Enova. Bedrifter der straumkostnadene er minst 3 prosent av omsetninga i perioden, kan søkje om tilskot til å betale straumrekninga og til å investere i energitiltak.
* Bedrifter som får tilskot til straumstøtte, kan ikkje ta ut utbytte i 2023, ifølgje regjeringsforslaget til tiltakspakke.
Oppmoding om fastprisavtalar
Regjeringa vurderer også andre vilkår for å få støtte, mellom anna i lys av erfaringar med støtteordningar under pandemien.
Vestre understreka at tiltaka skal bidra til å få bedrifter over kneika, men at det er satsing på nye fastprissystem frå nyttår som er det store målet.
Då trer eit nytt regime i kraft då skattereglane blir endra. Det vil gjere det enklare for kraftselskap å tilby fastprisavtalar til næringslivet.
– Eg har ei klar oppmoding og ei innstendig utfordring til kraftprodusentane: No må konkurransen om fastpriskundar starte, sa Vestre.
– Det vil vere veldig viktig at dette er på plass frå nyttår slik at bedriftene får meir føreseielegheit.
(©NPK)
