Etter debuten med Haraball i Naustet i 2007 har Ausekarane reist frå hamn til hamn langs vestlandskysten for å underhalda med show og musikk. Spelelista Ausekarane har attpåtil vore nominert til Spellemannsprisen.

Pinseaftan står Ausekarane på scenen i Kulturhuset Husnes. Bak arrangementet står Omstock Event og Trond Betten. Då Kvinnheringen snakka med Betten i februar, sa han dette om bookinga: 

– Dei er eit folkeleg band som har veldig mange fans i området, og når vi skal gjera noko i Festsalen vil vi ha noko kjent, og som passar for alle. Så synest eg jo sjølv at dei er hysterisk morosame, og dei har med seg nokre meget gode musikarar, så ein får jo både humor og song.

Skulle du av ein eller annan grunn ikkje få til å besøka konserten på Husnes, kjem det nye sjansar til å oppleva bandet seinare i sommar. 18. juli legg dei til med båten Sjøscenen på Varaldsøy, før dei dagen etter ankrar opp i Rosendal. 

Les også

Har skipa Sæbøvik Vel: – Vi vil skapa eit inkluderande og levande sentrum