1 Endeleg: Etter ti år står endeleg det gamle tinghuset og fruktlageret ferdig. 2 Tingstova: I denne stova vart kommunestyremøta haldne fram til 1950-talet. 3 Sjølvdesigna: Stanga til å støtta seg på og rekkverket i trappa har Anita designa sjølv. Ho har også teikna bileta som er i glasa etter gamle bilete av tinghuset og Dimmelsvik. 4 Sorenskrivarkontoret: Det som pleidde å vera sorenskrivaren sitt kontor er i dag bad og kjøkken. 5 Meierirøyr: Rekkverket som rammar inn uteplassen på baksida av huset er laga av gamle meierirøyr frå meieriet på Seim. 6 Lerk frå sandvikjo: Fruktlageret er kledd med lerk frå Sandvikjo. – Det skal bli grått saman med oss, seier ekteparet. 7 Atelier: Inne i fruktlageret har Anita eit stort og lyst atelier. 8 God atmosfære: – Det følest så godt å vera her, huset har ein god atmosfære. Eg kan eigentleg vera ganske skvetten av meg, men her er eg aldri redd, seier Anita.