Eitt nytt smittetilfelle

Fredag morgon blei det registrert eitt nytt smittetilfelle.

Personen var allereie rekna som nærkontakt og kommuneoverlege Glenn Opland fortel at smittesporinga var ryddig.

– Vedkomande sat alt i karantene, og vi har ei god aning om kor smitten kjem frå.

Opland opplyser at den smitta er eit barn.

Torsdag denne veka blei det meldt om 2 nye smittetilfelle i kommunen, også desse sat alt i karantene.

Onsdag testa også utanlandske arbeidarar positivt for covid-19. 31 personar måtte i karantene og isolasjon som følge av tilfella.

– Smitteauken kom som forventa no etter jul, sluttar kommuneoverlegen.