Gå til sidens hovedinnhold

FHI: Dette må AstraZeneca-vaksinerte følgje med på

Folkehelseinstituttet (FHI) vil ikkje opne for bruk av AstraZeneca-vaksinen enno, og ber alle som har fått ein dose vere merksam på biverknader.

Dersom ein person som har fått vaksinen, opplever vedvarande sjukdomskjensle, uvanlege blåmerke eller teikn til blødingar i huda blir dei bedne om å kontakte helsetenesta. Det gjeld òg ved andre teikn på alvorleg sjukdom.

Pasientane som er innlagde med alvorleg blodpropp, blødingar og låge blodplater, har fått symptom innan fjorten dagar etter vaksinasjonen, ifølgje FHI.

FHI valde torsdag å vente med å ta i bruk AstraZeneca-vaksinen igjen sjølv om EUs legemiddeltilsyn gav vaksinen grønt lys.

(©NPK)

Les også

Høies påskeråd for høgsmitteområde: Ikkje dra på overnattingsbesøk eller hotell

Kommentarer til denne saken